Líkt og flugfreyjur háloftanna gefa ferðamönnum jafnan forsmekkinn af smekk og þokka þeirrar þjóðar sem sótt er heim hverju sinni, gegna lögreglumenn og aðrir opinberir starfsmenn mikilvægum hlutverkum í ímyndarsköpun þjóðanna. Kynni að vera tímabært að endurhanna einkennisklæði íslenskra lögreglu – og slökkviliðsmanna? Væri val á fánalitum í sænska flugfreyjubúninga til eftirbreytni fyrir íslensk flugfélög? Hér kunna að vera fram komnar æði áleitnar spurningar og hollast kynni að reynast að hrapa ekki að niðurstöðum eða svörum í þessum efnum fremur en öðrum.
