Apotek kitchen +bar er staðsettur á einu fallegasta horni Reykjavíkur í Austurstræti 16.
Við erum “casual/smart” staður þar sem boðið er upp á ljúffengar veitingar í líflegri stemningu og flottu umhverfi.
Matseðillinn er skemmtileg blanda af íslensku og evrópsku eldhúsi með funheitu argentísku grilli. Fjöldi smárétta er á matseðlinum sem mælt er sérstaklega með að gestir smakki og njóti saman.
Á Apotekinu er lifandi kokteilbar þar sem verðlaunaðir „apótekarar“ hrista saman spennandi kokteila – við allra hæfi – örvandi, róandi og jafnvel verkjastillandi.
Hönnun staðarins var í höndum Leifs Welding & Brynhildar Guðlaugsdóttur. Útgangspunkturinn var að halda heiðri hússins á lofti og gera byggingunni og sögu hennar hátt undir höfði. En á sama tíma að skapa nútímalegt, skemmtilegt og afslappað andrúmsloft. Langstærstur hluti húsgagna og innréttinga voru einnig hannaðir af tvíeykinu og smíðaðir á Íslandi.
Eldhúsið
Matreiðslumeistararnir Carlos Gimenez ræður ríkjum í eldhúsi Apoteksins ásamt öflugu liði fagmanna.
Carlos Gimenez
Carlos er fæddur og uppalinn í Buenos Aires í Argentínu og lauk námi við einn virtasta matreiðsluskóla Suður-Ameríku. Hann hefur starfaði á fjölda veitingahúsa m.a. í Argentínu, Úrúgvæ, Danmörku og á Spáni á hinu margrómaða El Bulli veitingahúsi undir stjórn hins þekkta matreiðslumeistara Ferran Adria. Carlos er mikið náttúrubarn og hans ástríða er að matreiða nýstárlega og skapandi rétti úr fersku íslensku hráefni.
