Litir, lykt og hljóð fylla hugann í morgunsárið þegar fiskurinn er verslaður beint af bátnum. Ferskt, kalt loftið þrungið af möguleikum sem kitla bragðlaukana og leyfa meðvitundinni að njóta líðandi stundar.
Við mælum með smakkseðlinum sem Hrefna Sætran og Fiskmarkaðsliðið hafa sett saman fyrir gesti sína. Í stað þess að afgreiða diskana hvern fyrir sig þá hafa réttirnir verið útfærðir til þess að hægt sé að deila þeim. Þeir eru bornir á borð nokkrir saman, hver á fætur öðrum á meðan á máltíðinni stendur.
