Einmunablíða í höfuðborginni laðar nú fjölda fólks að miðborginni og blandast þar innlendir sem erlendir vegfarendur sem kjósa að spranga um, versla, njóta veitinga og vellystinga. Mikill fjöldi skemmtilegra viðburða á borð við myndlistarsýningar, tónleika og mannfagnaða hvers konar skreytir síðan mannlífið og menningarflóruna í miðborginni um þessar mundir.
