Óhætt er að segja að góður andi hafi svifið yfir vötnum í versluninni Kraum í gærkveldi við opnun tónlistardeildarinnar Íslenskra tóna í Suðurstofunni, en tekið var á móti gestum með hlýjum tónum og huggulegheitum. Við óskum Kraum til hamingju með þessa nýju deild og jafnframt öllu íslensku tónlistarfólki, en þarna mun einungis íslensk tónlist vera í boði og því aðgengilegt fyrir ferðamenn og aðra að nálgast það nýjasta og besta í tónlist landans hverju sinni. Þeir Þorkell Sigfússon og Örn Ýmir Arason munu sjá um deildina en þeir eru báðir tónlistarmenn og skipa sveitina Friends Forever ásamt Kristjáni Hrannarssyni, en þeir tróðu upp í Kraum í gærkveldi ásamt fleira tónlistarfólki við góðar undirtektir gesta.
