Verslunin Madison ilmhús opnaði á dögunum að Aðalstræti 9 í Kvosinni. Madison er sérverslun með hágæða ilmefni og ilmvötn frá heimsþekktum framleiðendum sem flestir eiga það sameiginlegt að líta á ilmvatnsgerð sem listgrein.
Verslunin er sú fyrsta sinnar tegundar hér á Íslandi.
Framkvæmdastjóri Miðborgarinnar okkar leit þar við í dag ásamt deildarstjóra Kvosarinnar til að óska eigendunum Lísu Ólafsdóttur og Birgi Jónssyni til hamingju með verslunina og bjóða þau velkomin í miðborgina.
