“Stóra skiltamálið” er eitthvað sem rekstraraðilar við Laugaveg og Skólavörðustíg kannast við frá fyrri viku, en þá fjarlægðu starfsmenn borgarinnar fyrirvaralaust öll skilti af þeim götum og brá mörgum við.
Í kvöld, miðvikudag 20.nóvember kl. 18:15 verður á Hótel Borg haldinn opinn fundur þar sem rekstraraðilum gefst kostur að á að spyrjast fyrir um afdrif skilta sinna og mögulega endurheimtu þeirra, gildandi reglur og leiðbeiningabæklinga sem ekki virðast allir á eitt sáttir með, m.a.s. innan borgarkerfisins. Lögfræðingar, fulltrúi Byggingarfulltrúa og fleiri starfsmenn borgarinnar sitja fyrir svörum.
