ORR hlýtur Njarðarskjöldinn

19 febrúar, 2017 Fréttir

ORR Gullsmiðir hlutu Njarðarskjöldinn á fjölmennri samkomu í Listasafni Reykjavíkur þar sem 11 fyrirtæki voru tilnefnd. Ari Eldjárn sló tóninn við upphaf samkomunnar, Áshildur Bragadóttir flutti ávarp og Guðlaugur Þór Þórðarson utanríkisráðherra afhenti síðan verðlaunin.
S.G. hljómsveitin, með Sigurð Guðmundsson söngvara og píanóleikara í fararbroddi flutti tónlist sem féll vel í kramið í bland við glæislegar veitingar.
Kjartan Kjartansson gullsmiður í ORR tók við verðlaununum og flutti dómnefnd hjartnæma þakkarræðu fyrir hönd fyrirtækisins.