Sumarjazz VIII – Oscar Andreas Haug og tríó Benjamíns Gísla

Á áttundu tónleikum sumarjazztónleikaraðar Jómfrúarinnar við Lækjargötu, laugardaginn 13. júlí, kemur fram tríó píanóleikarnas Benjamíns Gísla Einarssonar ásamt norska trompetleikaranum Oscar Andreas Haug. Nico Moreaux leikur á kontrabassa og Einar Scheving á trommur. Benjamín og Oscar kynntust í tónlistarháskólanum í Þrándheimi haustið 2019. Síðan þá hafa þeir spilað saman í hinum ýmsu verkefnum og gefið út tvær plötur með hljómsveitinni Bliss Quintet sem hefur leikið um 40 tónleika víða um Noreg og Evrópu. Tónleikarnir fara fram utan dyra á Jómfrúartorginu. Þeir hefjast kl 15 og standa til kl 17. Aðgangur er ókeypis.