Verslunin Vínberið hefur verið starfrækt á Laugavegi 43 frá árinu 1976. Upphaflega var verslunin matvöruverslun en árið 1995 var henni breyt í sælkeraverslun sem sérhæfir sig í súkkulaði.
Verslunin hefur frá upphafi verið í eigu sömu fjölskyldu en hún var stofnuð af Loga Helgasyni kaupmanni sem áður hafði starfað í verslun Silla & Valda. Árið 2016 tóku sonur Loga og tengdadótir við rekstrinum.
Mikil áhersla hefur verið lögð á breitt vöruúrval þar sem allir ættu að geta fundið eitthvað við sitt hæfi. Í dag eru til fjölmörgar tegundir af konfekti, súkkulaðiplötum, sælgæti og öllu því sem hugurinn girnist hverju sinni og er stöðugt verið að taka inn nýjar vörur og ný vörumerki.
