Á sunnudaginn var nokkuð öðruvísi um að lítast í Ráðhúsinu en vanalega en þar var hátíðarsalurinn þéttskipaður fólki liggjandi á dýnum í djúphljóðbylgjuhugleiðslu. Um var að ræða opnunarviðburð hugleiðsluhátíðarinnar Friðsæld í Febrúar, en hátíðin er enn í fullum gangi. Það er útgáfan Í boði náttúrunnar, í samvinnu við fyrirtæki, félagasamtök og einstaklinga, sem stendur fyrir þessari vikulöngu hugleiðsluhátíð sem stendur frá 7.-13. febrúar, en þessi árlega hátíð er nú haldin í þriðja sinn.
Markmið hátíðarinnar er að vekja áhuga almennings á hugleiðslu, en hún samanstendur af tugum ókeypis hugleiðsluviðburða um land allt, þ.á.m. núvitund, möntruhugleiðslu, yoga nidra, danshugleiðslu og gong slökun.
Áhugasamir geta kynnt sér dagsskrána hér:
http://ibn.is/vidburdir/
