Á þjóðhátíðardaginn 17. júní verður boðið upp á fjölbreytta og veglega dagskrá. Skemmtidagskrá verður í Hljómskálagarði og á Klambratúni og ætti engum að leiðast.
Hátíðarathöfn á vegum Alþingis og forsætisráðuneytisins hefst á Austurvelli kl. 11:00 en henni verður sjónvarpað og útvarpað á RÚV.
Fjallkonan flytur ávarp en ávallt hvílir leynd yfir því hver hún er þar til á hátíðarathöfninni.
Að lokinni athöfn fer skrúðganga frá Austurvelli í kirkjugarðinn við Suðurgötu þar sem Björg Magnúsdóttir, forseti borgarstjórnar, leggur blómsveig frá Reykvíkingum á leiði Jóns Sigurðssonar forseta og Ingibjargar Einarsdóttur konu hans.
Klukkan 13:00 leiða skátar glæsilega skrúðgöngu (https://www.facebook.com/events/1382743067013472) frá Hallgrímskirkju að hátíðarsvæðinu í Hljómskálagarði. Um leið og skrúðgangan kemur á hátíðarsvæðið um klukkan 13:45 hefst skemmtidagskráin í Hljómskálagarðinum. Hátíðarsvæðið verður stútfullt af fjölbreyttri skemmtun fyrir alla fjölskylduna.
Skemmtidagskráin á Klambratúni (https://www.facebook.com/events/993348943241256) hefst klukkan 13:00. Dans Brynju Péturs verður með danssýningu, Besti vinur minn Súpermann kemur á svæðið, plötusnúðar sjá um tónlistina og matarvagnar verða á staðnum fyrir svanga þjóðhátíðargesti.
Það er ókeypis aðgangur á alla dagskrárliði og í tæki og engum ætti að leiðast.
Komdu og njóttu í miðorginni, fjöldi veitingastaða og verslana um alla borg.
(https://www.facebook.com/events/2128564544375332)
Allar upplýsingar má nálgast 17juni.is
Gleðilega hátíð!
