Verslunin 38 þrep á Laugavegi 39 fagnar 20 ára afmæli sínu í dag miðvikudaginn 23. október. Verslunin býður gesti og gangandi velkomna í afmælisfögnuð frá kl. 17 til kl. 20 í dag. Verslunin er þekkt fyrir sérstöðu sína í skófatnaði, töskum og öðrum fylgihlutum og hefur nú í tvo áratugi séð Íslendingum fyrir því nýjasta og besta úr heimi tískunnar á því sviði. Við óskum eigendum og starfsfólki 38 þrepa til hamingju með áfangann og óskum þeim áframhaldandi velfarnaðar í miðborginni okkar.
