Gjafakort Miðborgarinnar okkar verða vinsælli sem jólagjöf frá ári til árs, en þau fást í bókaverslun Máls og menningar að Laugavegi 18 og í bókaverslunum Eymundsson að Skólavörðustíg 11 og Austurstræti 18. Gefandinn ákvarðar sjálfur upphæð kortsins sem síðan er merkt inn á skreyttar umbúðir kortsins og pakkað í sérhönnuð umslög sem hægt er að rita nafn viðtakandans og gefandans á.
Verslanir og veitingahús miðborgarinnar taka á móti kortinu sem síðan er hægt að fylla inn á aftur – eftir því sem hentar – frá ári til árs.
