Ein mikilúðlegasta gata borgarinnar hefur farið í uppskurð og fegrunaraðgerð sem nú er langt komin. Hverfisgatan skartar fjölmörgum glæsihúsum á borð við Þjóðleikhúsið, Þjóðmenningarhúsið, 101 Hotel, Reykjavik Residence og fjölmörgum fleirum. Allar lagnir hafa verið endurnýjaðar frá Vitastíg að Klapparstíg , nýjar hjólabrautir og gangbrautir verið gerðar og nýrri lýsingu komið fyrir.
Á laugardag kl. 14:00 hefst dagskrá við Bíó Paradís sem verður í senn opnunarhátíð Hverfisgötunnar og Langur laugardagur miðborgar. Skrúðganga verður þaðan farin við lúðrablástur og söng , Laddi skemmtir ásamt Eiríki Fjalar oig plötusnúðum, Lukkuhjól munu snúast með veglegum vinningum í boði og borgarstjórinn Jón Gnarr mun flytja opnunarávarp. Fornbílar munu síðan aka um götuna frá kl. 15 og veitingar verða í boði Austur Indíafélagsins og Bíó Paradísar.
Allir eru hjartanlega 
velkomnir.
