Er fyrirhugaðir opnunartímar í miðborginni voru kynntir í sl. mánuði lýstu mjög margir þeirri skoðun að betur mætti ef duga skyldi. Að fengnum miklum fjölda áskorana hefur stjórn Miðborgarinnar okkar ákveðið að bregðast jákvætt við og lengja viðmið sameiginlegra opnunartíma miðborgarverslana.
Frá og með fimmtudeginum 11.desember verður því opið til kl. 22:00 öll kvöld til jóla, að undanskildu sunnudagskvöldinu 14.desember sem miðast við kl. 18:00. Ljóst er að sumar verslanir hyggjast hafa opið enn lengur tiltekna daga. Þorláksmessa , 23. desember verður opin til 23:00 skv. venju.
Þessir opnunartímar hafa verið birtir á heimasíðu Miðborgarinnar okkar og jafnframt verða þeir prentaðir á veggspjöld sem verður dreift til allra rekstraraðila í Miðborginni okkar.
