Herrafataverslun Kormáks og Skjaldar mun fljótlega opna í sögufrægu húsi við Laugaveg 29, sem áður hýsti Brynjuverslunina. Húsið hefur verið tekið í gegn síðustu mánuði.
Ákafir vegfarendur á Laugavegi, helstu verslunargötu miðborgarinnar, sáu í gær merkingar Kormáks og Skjaldar settar upp í gluggum Brynjuhússins. Verslunin flytur þangað frá Kjörgarði, þar sem hún hefur verið síðan 2006. Stefnt er að opnun um miðjan nóvember.
Kormákur Geirharðsson og Skjöldur Sigurjónsson opnuðu sína fyrstu verslun árið 1996 og hófu rekstur í Kjörgarði tíu árum síðar. Verslanir þeirra hafa vaxið og nú er einnig að finna verslanir við Skólavörðustíg, í Leifsstöð og Gróðurhúsinu í Hveragerði.
Þetta eru gleðifréttir fyrir þetta sögufræga og fallega hús
