Í dag, laugardaginn 2.desember, er Langur laugardagur í miðborginni, verslanir eru opnar lengur en ella og líf og fjör á hverju horni.
Skautasvell Nova á Ingólfstorgi verður opið allan desembermánuð og úrvalið í verslunum miðborgarinnar hefur aldrei verið meira. Fjöldi viðburða, tónleika og skemmtiefnis af ýmsum toga er annálaður á þessum árstíma og það er einkar ánægjuríkt að upplifa jólasteminguna í mannhafi ólíkra þjóðerna, fólks sem sækir hingað í stórauknum mæli í aðdraganda jólanna.
