Ný og glæsileg tískuverslun fyrir dömur opnaði á Laugavegi 62 fyrir skemmstu. Verslunin heitir Rokk og rómantík og er í eigu Önnu Kristínar Magnúsdóttur sem jafnframt er eigandi verslunarinnar Kjólar og konfekt á Laugavegi 92.
Rokk og rómantík blandar skemmtilega saman eggjandi tísku, snyrtivörum og undirfatnaði, gotneskum stílbrögðum, rokki, tísku og húmor. Sumpart sambærileg við verslunina Agent Provocateur í Lundúnum sem stofnuð var á níunda áratugnum af Joseph Corré, syni Vivienne Westwood, en mun fjölbreytilegri og nútímalegri.
Tíðindamaður Miðborgarinnar okkar leit við í versluninni og var óðara drifinn í glæsta silkiskikkju með loðkraga og prýddur ögrandi grímu sem væri vel til þess fallin að fara mætti huldu höfði um undirheima miðborgarinnar.
Á myndinni bregður eigandi verlsunarinnar á leik eftir að veita móttöku blómvendi frá Miðborginni okkar.
í tilefni opunarinnar.
