Vel þótti til takast með Matarmarkaðinn á Lækjartorgi á Löngum laugardegi 6.júlí sl. og verður verkefninu haldið áfram alla laugardaga í júlí.
Mikill fjöldi Reykvíkinga og nærsveitarmanna sótti markaðinn sem þótti frumlegur, fjölbreytilegur og skemmtilegur. Hljómsveitin White Signal skemmti gestum á Lækjartorgi en einnig á Hjartatorgi. Uppákomur og útistemning var einkennandi fyrir þennan fyrsta laugardag júlímánaðar og meðal þeirra sem komu fram á vegum Miðborgarinnar okkar voru Geir Ólafs, listamenn frá Sirkus Íslands, listdansarar og fyrrnefnda sveitin White Signal.
