Jólaopnunartími verslana í miðborginni lengist til kl. 22:00 í kvöld en stórmarkaðir og verslunarmiðstöðvar höfuðborgarsvæðisins eru ívið seinna á ferðinni með lengda opnunartíma nú en á undanförnum árum. Opið verður til kl. 22:00 í kvöld, fimmtudag 10.12., föstudag og laugardag en á sunnudag, mánudag,þriðjudag og miðvikudagf eru tilmæli um opnunartíma til kl. 18:00 þó ljóst megi vera að vaxandi fjöldi verslana verði með opið lengur – ýmsir til kl. 22:00. Bókaverslanir borgarinnar hafa gengið á undan með því að hafa ávallt opið til kl. 22:00 á kvöldin og með vaxandi straumi erlendra ferðamanna fjölgar þeim sem eygja sóknarfæri í lengdum opnunartíma alla daga.
